Y Broses Gorchymyn Cydsyniad Datblygu

Sut byddwn yn defnyddio eich adborth a’r camau nesaf

Byddwn yn ystyried yr holl sylwadau a gafwyd yn ystod y digwyddiadau ymgynghori, yn ogystal â’n hymgysylltiad parhaus â chymunedau a rhanddeiliaid. Mae’r holl adborth yn bwysig i ni a bydd yn helpu i ddylanwadu ar ddyluniad y prosiect, lle bo hynny’n bosibl. 

Bydd yr adborth a geir yn ystod yr ymgynghoriad cynnar hwn yn cael ei adolygu a’i ddadansoddi i ddeall themâu allweddol a materion o bwys gan randdeiliaid. 

Ar ôl casglu’r wybodaeth gychwynnol hon ac adborth gan randdeiliaid, byddwn yn gallu paratoi dyluniad mwy datblygedig ar gyfer y prosiect, gyda rhagor o fanylion, gan gynnwys gwybodaeth am sut mae effeithiau posibl wedi cael eu hasesu a sut rydyn ni’n bwriadu eu rheoli neu eu lliniaru. Byddwn wedyn yn cynnal rownd o ymgynghori statudol ffurfiol i roi cyfle ffurfiol i chi roi sylwadau ar ein cynigion diweddaraf cyn cyflwyno ein cais cynllunio.

Bydd Adroddiad Ymgynghori wedyn yn cael ei gynhyrchu fel rhan o’n cais am gydsyniad datblygu, a fydd yn cael ei gyflwyno i’r Arolygiaeth Gynllunio. Bydd y ddogfen hon yn nodi sut mae’r adborth o’r ymgynghoriad wedi siapio a dylanwadu ar y cynigion terfynol. 

Bydd yr holl ymatebion a gyflwynir yn ystod y rownd ymgynghori gychwynnol hon a’n hymgynghoriad statudol sydd ar y gweill yn cael eu hateb yn yr Adroddiad Ymgynghori a’u cynnwys yn y ddogfen gyda’r holl fanylion personol wedi’u golygu. Byddwn yn cymryd gofal rhesymol i gydymffurfio â gofynion yr holl ddeddfwriaeth diogelu data berthnasol a Pholisi Preifatrwydd yr Arolygiaeth Gynllunio  (https://www.gov.uk/government/publications/planning-inspectorate-privacy-notices/customer-privacy-notice).