Cyflwyniad o’r prosiect

Beth yw prosiect Pŵer Carbon Isel Cei Connah?

Wrth inni ddod yn fwy dibynnol ar drydan, gyda thrydaneiddio sectorau megis trafnidiaeth, gwresogi a diwydiant, bydd angen mwy o gapasiti cynhyrchu. Yn ôl cynghorydd annibynnol y DU ar newid yn yr hinsawdd, y Pwyllgor Newid Hinsawdd (CCC), rhagwelir y bydd y galw am drydan yn cynyddu 50% erbyn 2035. Er mwyn bodloni’r galw cynyddol hwn a chyflawni nodau datgarboneiddio’r DU, mae’r CCC hefyd wedi cynghori Bydd angen ystod o wahanol dechnolegau gan gynnwys ynni adnewyddadwy a chynhyrchu datgarbonedig, megis nwy gyda thechnoleg Dal a Storio Carbon (CCS), i gynnal cyflenwad trydan diogel a sefydlog.

Ffeithiau allweddol am ein cynigion

• Gallai CQLCP helpu i fodloni galw cynyddol y DU am drydan, y rhagwelir y bydd yn cynyddu 50% erbyn 2035.
• Ein safle yng Nghei Connah yw’r lleoliad delfrydol ar gyfer gorsaf bŵer carbon isel newydd, ar ôl bod â chynhyrchu trydan ar y safle ers y 1950au.
• Mae seilwaith hanfodol sydd ei angen ar gyfer cynhyrchu trydan eisoes yn ei le, gan gynnwys cysylltiadau â’r grid trydan cenedlaethol a phiblinell y gellir ei hailosod a’i defnyddio i gludo CO₂ a ddaliwyd.
• Pan fydd CQLCP yn gwbl weithredol, gallai gynhyrchu digon o drydan carbon isel i bweru hyd at 2.8 miliwn o gartrefi’r flwyddyn.
• Pan fydd yn gwbl weithredol, ac ar ei lwyth llawn, gallai CQLCP ddal hyd at 3.7 megatunnell (Mt) o CO₂ y flwyddyn, gan gyfrannu at drawsnewidiad y DU i sero net.
• Gallai CQLCP gyfrannu at dwf economaidd, gan diogelu swyddi technegol medrus a chreu cyfleoedd newydd yn ystod y cyfnod adeiladu.

Darparu diogelwch ynni

Byddai’r orsaf bŵer CCGT newydd arfaethedig gyda dal carbon yng Nghei Connah yn gallu cynhyrchu pŵer carbon isel yn hyblyg ac yn ddibynadwy i ddiwallu’r angen cynyddol am drydan, pryd bynnag y bydd ei angen. Bydd gorsafoedd pŵer fel hyn yn chwarae rhan hollbwysig yn system ynni’r dyfodol, gan y gallant helpu i sicrhau bod ynni ar gael ar yr adegau pan fo’i angen fwyaf, a phan na all pŵer o ffynonellau adnewyddadwy fodloni’r galw.

Cyflawni lleihau carbon a chefnogi Sero Net

Mae CCC y DU a’r Asiantaeth Ynni Rhyngwladol wedi datgan bod CCS yn elfen hanfodol o drawsnewid i sero net. Ac i gefnogi hyn, o dan y llywodraeth flaenorol, roedd cyllideb 2023 yn cynnwys ymrwymiad o hyd at £20 biliwn i sefydlu sector Dal, Defnyddio a Storio Carbon (CCUS) yn y DU, i helpu i ddatgloi cyfleoedd economaidd a chefnogi buddsoddiad yn y sector. Ymrwymodd y llywodraeth bresennol yn ei maniffesto £1bn pellach ac mae’n deddfu i greu GB Energy a fyddai’n cynnwys yn ei chylch gwaith gyd-fuddsoddi mewn pŵer CCS.

Gydag uchelgais y llywodraeth bresennol ar gyfer sector pŵer datgarbonedig erbyn 2030 a’i hymrwymiad i CCS, mae ein gorsaf bŵer newydd arfaethedig gyda thechnoleg CCS mewn sefyllfa dda i chwarae rhan hanfodol yn system ynni’r dyfodol. Byddai’n cysylltu â seilwaith trafnidiaeth a storio CO₂ gerllaw fel rhan o glwstwr diwydiannol HyNet, a gellir ail-bwrpasu piblinell bresennol a ddefnyddiwyd yn flaenorol i gyflenwi nwy i’r safle ar gyfer cludo CO₂ a ddaliwyd, gan helpu i gyfrannu at gyflawni targedau sero net y DU.

Pam adeiladu gorsaf bŵer newydd yng Nghei Connah?

Mae Cei Connah yn lleoliad delfrydol ar gyfer sefydlu gorsaf bŵer carbon isel – gallai gysylltu â seilwaith trafnidiaeth a storio CO₂ gerllaw fel rhan o glwstwr diwydiannol HyNet, ac mae’n elwa ar arbenigedd y gweithlu tra medrus presennol.

Mae gorsaf bŵer hefyd wedi bod ar y safle ers dros 70 mlynedd, sy’n golygu bod seilwaith ynni hanfodol eisoes yn ei le, gan gynnwys piblinell bresennol y gellir ei hailddefnyddio ar gyfer cludo CO₂ a ddaliwyd i’r meysydd nwy alltraeth disbyddedig presennol lle caiff ei storio’n barhaol.

O orsaf bŵer glo yn y 1950au, i’r orsaf bŵer nwy naturiol bresennol, a gyda cynlluniau yn y dyfodol i symud i orsaf bŵer carbon isel; mae esblygiad safle Cei Connah yn enghraifft o sut mae’r diwydiant ynni yn addasu i’r her a ddarperir gan newid hinsawdd. Rydym yn falch y gallai’r prosiect hwn olygu y gellir cadw swyddi yng Nghei Connah.

Gallai buddsoddi yng Nghei Connah gyfrannu’n sylweddol at dwf economaidd yn y rhanbarth, drwy ddiogelu swyddi, creu cyfleoedd newydd yn ystod y gwaith adeiladu, ynghyd â chyfleoedd posibl drwy’r gadwyn gyflenwi ehangach.